Distinct Talents تتحدث عن محمد واصف

كنا اتكلمنا قبل كدة عن مجال الـ Front-End Development وايه مقومات نجاح الموهوبين فيه, إنهاردة هنتكلم على موهوب في المجال ده واللي عنده خبرة كبيرة جداً فيه وهو Mohammed Wasef,

محمد خبرته 5 سنين أول لما بدأ في مجال الـ Front-End Development كان معتمد على الـ Self-learning وده بسبب إقتناعه التام بإكتساب الخبرة من التجربة وإكتساب الحرية في إختيار نمط التعلم الخاص بيه لانه هيكون المعلم والمشرف المراقب لنفسه.

محمد دخل المجال ده بالذات لأن بيتوفر فيه الابداع والتطوير سواء عن طريق تصميم حلو يخدم شركات, مؤسسات أو عن طريق كتابة أكواد مطابقة للمعايير أو استخدام انيميشن بالاكواد لاظهار احترافية العمل, كونه متقن لكتابة الاكواد والبرمجة بيزيده فرصة وتميز خاصة لمعرفته السابقة بان حياتنا هتعتمد علي المواقع وتطبيقات الويب والموبايل.

بالنسبة للشركات اللي إشتغل فيها قبل كدة:

1. Mnbaa Co

2. Webuild websites

3. World of Systems & Software

محمد بدأ اول شغل ليه في شركة Mnbaa Co كمصمم مواقع UI Designer وفي نفس الوقت طور من نفسه واشتغل UI Developer وبدأ يطور نفسه ويتعلم تطوير المواقع بإستخدام الـ WordPress لإيمانه بإن التعلم الذاتي الدائم والمستمر بيزيد من فرصته في اي مكان ولو كان في اكثر من مجال, بعدها اتنقل للعمل في شركة Webuild websites كمطور مواقع, ودلوقتي شغال في شركة World of Systems & Software وشغال كـ UI Designer & Front-End Developer وبيحاول يستغل معرفته في المجالات زي التصميم وتطوير المواقع بالووردبريس علشان يشتغل كفري لانسر من وقت للتاني للتدريب علي كل المهارات وحفاظه علي مستواه.

وبسبب اقتناعه بمقوله الامام الحسن بن علي بن أبي طالب “علّم الناس علمك، وتعلّم علم غيرك، فتكون قد أتقنت علمك، وعَلِمْتَ ما لم تعلم”, قدر يقدم كورسات تعليمية علي اليوتيوب في بداية المجال

تقدروا تشوفوها من هنا: https://www.youtube.com/watch…

https://www.youtube.com/watch…

وحالياً بيحاول يجهز مجموعة كورسات علي Udemy وهدفه اثراء المحتوى العربي وبيتمني يجمع المعلمين العرب علي منصة عربية لتعليم الشباب خاصة بعد التخرج من الجامعة.

محمد اتعامل مع عملاء من امريكا وكندا واستراليا ومصر والسعودية علي موقع Upwork و Freelancer وكان هدفه customer satisfaction مع السعي لتجميع اكبر قدر ممكن من الـ Positive Reviews واللي كانت بتساعده بشكل كبير لتحسين مستواه في المجال, لحد لما نشر اول ثيم خاص بيه علي منصة Themeforest باسم Handup واللي كان تحدي كبير انه يوصل للمعايير العالمية في تصميم وتطوير موقع علي منصة مهمة وخصوصاً انهم موفرين فريق عمل لاختبار الأعمال وارسال التعليقات والملاحظات للتأكد من مدى جاهزية الشغل للنشر على منصة Themeforest

تقدروا تشوفوا الثيم من هنا:

https://themeforest.net/…/handup-material-respons…/20257518…

بالنسبة للـ Technologies اللي شغال بيها:

1. HTML5

2. CSS3

3. BootStrap

4. JavaScript

5. jQuery

6. AngularJS

7. WordPress

8. PHP

بالنسبة للـ Tools اللي بيستخدمها:

1. Photoshop

2. SketchApp

تقدروا تشوفوا موقعه الشخصي من هنا:

http://mwasef.com/